SULHNU App Detailed Instructions

Version hlui hmang, apk share atanga install te khan uninstall-a playstore atanga install tha turin kan in ngen e. Version hluiah hian feature dah belh hman theih loh leh hman dana problem a awm nual

1. Install dan

Play Store leh App Store ah “Sulhnu” tia zawn in, download a install mai tur a ni. Browser atangin ka.sulhnu.com a luh hian a install mai theih bawk.

2. Setup Dan

  1. Sulhnu app hawn hmasak berin “Get Started” tih button a lo awm ang.
  2. Hemi button i hmeh zawha screen lo langah i mobile number enter tur a ni. Phone model thenkhatah chuan phone number hi automatic in a lo in detect anga. Pakhat aia tam a lo awm pawhin SMS i dawn na tur kha thlan mai tur a ni.
  3. I mobile number enter-ah khan OTP i dawng ang. OTP i dawn chu a enter na turah khan enter leh tur a ni. (Hei hi permission azirin automatic in a in fill up thei bawk)
  4. OTP dawn loh chuan i phone number a dik ngei tih finfiah la. SMS dawn theihna number a ni ngei em tih finfiah bawk tur.
  5. OTP a in verify zawh hian “Enter your detail” screen a lo lang ang. Chutah chuan I hming, Pa/Nu hming leh address dah tur a ni. Heta address hi i QR code a awm tur kha a ni.
    1. NGO/Business/Office phone number a register tan address ah hian office details dah a pawi lo ang.
    2. Pa/Nu hming hi dah ngei ngei a ngai lo.
  6. QR code hi “QR Codes” tab ah hian a en theih a. QR code chung dinglama edit icon hmetin a edit theih ang
Sulhnu bottom navigation
Sulhnu app lan dan

3. QR Code Print dan.

  1. “QR Codes” button tap tur
  2. Hetah hian i QR Code tur, midangin an lo scan tur a lo lang ang. QR Code pakhat aia tam siam chuan ding leh vei zawnga swipe in qr code hrang hrang a hmuh theih ang
  3. I QR code hnuaiah hian “download qr” tih a lo awm anga chu mi chu i hmet(tap) anga i phone ah a in download ang.
  4. QR code i download hi i computer ah i copy ang, A4 paper-ah i print thei tawh mai dawn a ni.

4. Dawr/Office tlawhtu tan QR code scan dan

  1. Sulhnu app hawngin “SCAN” tih button bial sen ah tap tur
  2. I phone in Camera permission a rawn dil chuan “Allow” tur.
  3. Camera khan QR lo intar kha tin zawn mai tur a ni.

5. Smart phone nei lo visitor enter dan

  1. "Min tlawhtute" tab-ah Plus sign ah hian hmeh tur
  2. Hming leh thil dang fill up a, Submit hmeh tur
Add Visitor

6. QR code pakhat aia tam siam dan

Mitthi vuina emaw, inneihna leh punkhawmna dang reng rengah QR code hrang neih a ngai thin a. Mi pakhatin qr pakhat aia tam generate theih tura siam a ni.

  1. QR Codes button hmeh (tap) tur
  2. Screen hnuai, dinglama button hring kha hmeh tur
  3. Heta form hi punkhawmna mila fill-up tur
  4. Submit hmeh hunah qr code thar a lo awm ang.
Multiple qr

QR Code te hi dinglam/veilam swipe a hmuh theih in a awm ang

6. Contact Tracing

  1. Dawr/In/Office tlawhtute hriat a ngaih hunah chuan “Min tlawhtute” hi hmeh tur a ni. Hetah hian min tlawhtu hnuhnung ber atangin a lo in list ang
  2. A chung dinglama calendar button hmeh hian calendar a lo lang anga.
  3. Hetah hian kan en duh ni thlan tur
  4. Date kan thlan hnu hian hian calendar button bulah download na button a awm bawk ang. He button hmang hian excel file in hemi ni a tlawhtu list a download theih ang
  5. QR-code dang tana chhui duh chuan a chung vei lama qr icon hi hmeh tur
Tracing

7. Frequently Asked Questions

  1. SMS ka dawng thei lo.
    SMS dawng tur hian network coverage a awm that a ngai a. Phone number dik lo enter palh vanga sms dawng ta lo an awm nual bawk.
  2. Ka customer ten Smart phone an nei lova.
    5 a tarlan ang khian tih tur.
  3. App ka download thei lo. "Waiting for download" a inti char char.
    Settings atangin Playstore data clear tur.
  4. Storage permission min dil.
    QR code download tur te, Excel-a export tur te in i phone storage permission a neih a ngai.
  5. Problem dang hrim hrim nei tan.
    contact@sulhnu.com ah i harsatna min lo hrilh dawn nia.
Lailen Consulting Pvt Ltd
^